នារីស្រស់សោភាបើកបុកតិចតួច មិនដោះស្រាយ បែរជាបើកគេច រហូតបង្កជាគ្រោះធំ

នារីស្រស់ស្អាតម្នាក់បេីករថយន្ដសេរីទំនើប LAND ROVER DEFENDER ពណ៌ខ្មៅ ពាក់ស្លាកលេខ កម្ពុជា CSL.9889 បេីកបុកខឿនរង្វង់មូលវិមានឯករាជ្យ បណ្ដាលឲ្យរងការខូចខាត រួចបេីករត់គេចខ្លួនជ្រុលទៅបុកម៉ូតូពីរគ្រឿង ហេីយបន្តរត់ទៅបុករថយន្ដស្ទូចពេញទំហឹងបណ្ដាលឲ្យរងការខូចខាតបន្ថែមទៀត។ ហេតុការណ៍នេះស្ថិតតាមបណ្ដោយផ្លូវព្រះមុនីវង្ស កែងផ្លូវម៉ៅសេទុង សង្កាត់បឹងត្របែក ខណ្ឌចំការមន រាជធានីភ្នំពេញ វេលាម៉ោង១២:៣០នាទី រំលងអាធ្រាត្រឈានចូល ថ្ងៃទី០៦ ខែតុលា ឆ្នាំ២០២៣។  

ក្រោយពេលកេីតហេតុសមត្ថកិច្ចជំនាញចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញចុះមកវាស់វែងយករថយន្ដ និងម៉ូតូទៅរក្សាទុករង់ចាំការដោះស្រាយនៅពេលក្រោយ។