(ខេត្តកំពត) ៖ ទីតាំងល្បែងសុីសងបញ្ចល់មាន់និងអាប៉ោង ខុសច្បាប់ និងល្បែងគ្រប់ប្រភេទផ្សេងទៀត កំពុងបើកដៃឲ្យពលរដ្ឋនាំគ្នាចូលលេងល្បែងយ៉ាងអនាធិបតេយ្យ ជ្រកក្រោមស្លាក កាស៊ីណូ(សុខ គឹមម៉េង) នៅចំណុច ច្រកព្រំដែនកម្ពុជា-វៀតណាម តន់ហ៊ន់ ស្ថិតនៅភូមិព្រកក្រឹស ឃុំព្រែកក្រឹស សស្រុកកំពង់ត្រាច ខេត្តកំពត ដោយគ្មានអាជ្ញាធរមានសមត្ថកិច្ចពាក់ព័ន្ធ ណាហ៊ានហាមឃាត់ឬបង្ក្រាបនោះទេ សង្ស័យខ្លាចប៉ះផលប្រយោជន៍។
ក្រោយមានប្រជាពលរដ្ឋជាច្រើនសន្ធឹកសន្ធាប់ បានចូលលេងនៅទីតាំងល្បែងសុីសងខុសច្បាប់ មួយនេះ មហាជនបង្ហាញនូវក្ដីបារម្មថា នឹងកើតមានបញ្ហាលួច ឆក់ ប្លន់ អសន្ដិសុខកើតមានឡើងដោយសារតែទីតាំងល្បែងមួយនេះ។ ប្រសិនបើកាស៊ីណូនេះមានច្បាប់ ម្ដេចបានជាមិនគោរពច្បាប់សោះ បែរជាបើកដៃរឲ្យប្រជាពលរដ្ឋខ្មែរចូលលេងល្បែងបានយ៉ាងពពាក់ពពូនបែបនេះ តើហេតុអ្វី!បានជាអាជ្ញាធរមានសមត្ថកិច្ចពាក់ព័ន្ធក្នុងមូលដ្ឋាន មិនមានការទប់ស្កាត់នឹងបង្ក្រាប!ទីតាំងល្បែងមួយនេះ ឬមានអ្វីនៅពីក្រោយខ្នង។
ជជារៀងរាល់ថ្ងៃទីតាំងល្បែងសុីសងមួយនេះ បានបង្កើតព្រឹត្តិការណ៍ល្បែងបញ្ជាល់មាន់និង អាប៉ោងខុសច្បាប់ និងល្បែងគ្រប់ប្រភេទទៀត សម្រាប់ប្រជាពលរដ្ឋខ្មែរនាំគ្នាលេងល្បែងយ៉ាងរំភើយ ដោយគ្មានការរំខានពីសំណាក់អាជ្ញាធរមានសមត្ថកិច្ច បន្ដិចសោះឡើយ។ ពលរដ្ឋខ្លះបានលក់ដីលក់ផ្ទះសម្បែង ខណៈពេលចាញ់ល្បែងរាប់ម៉ឺនដុល្លារអសអស់ពីខ្លួន ដោយសារលេងល្បែងនៅក្នុង កាស៊ីណូ មួយនេះ។
កន្លងមកគេឃើញមានភ្នាក់ងារ កាស៊ីណូ មួយនេះ បានចេញមកដើម្បីសម្របសម្រួលជាមួយអ្នកសារព័ត៌មាន ដើម្បីជាថ្នូរមិនចុះផ្សាយព័ត៌មាននឹងដើម្បីលាក់បាំងពីភ្នែកមហាជនតាមរយៈសារព័ត៌មាន។
ប្រសិនបើមានអង្គភាពសារព័ត៌មានណាហ៊ានតែចុះផ្សាយបញ្ហាប្រជាពលរដ្ឋខ្មែរចូលលេងល្បែង គេនឹងគម្រាមប្ដឹងអ្នកសារព័ត៌មានទៅកាន់អាជ្ញាធរមានសមត្ថកិច្ច ឬតុលាការ ដើម្បីចាត់ការតាមផ្លូវច្បាប់ជាក់ជាពុំខានឡើយ។
ករណីខាងលើនេះ មហាជនសូមសំណូមពរដល់ លោក ម៉ៅ ធនិន អភិបាលខេត្តកំពត ជាពិសេស លោក ម៉ៅ ច័ន្ទមធុរិទ្ឋ ស្នងការនគរបាលខេត្តកំពត មេត្តាពិនិត្យទីតាំងល្បែងស៊ីសងខាងលើនេះផង កំពុងតែប្រព្រឹត្តទង្វើផ្ទុយពីផ្លូវច្បាប់នៃព្រះរាជាណាចក្រកម្ពុជា ដែលបានកំណត់មិនឲ្យប្រជាពលរដ្ឋខ្មែរចូលលេងល្បែងស៊ីសងនោះទេ៕
No comments:
Post a Comment