លោកឧត្តមសេនីយ៍ទោ ម៉ែន លី អញ្ជើញដឹកនាំប្រតិភូស្នងការដ្ឋាននគរបាលខេត្ត គោរពវិញ្ញាណក្ខន្ធសពឯកឧត្តម ឧត្តមសេនីយ៍ឯក ដួង សំនៀង ដែលបានពលីជីវិត នៅសមរភូមិមុខទិសទី១ ខេត្តព្រះវិហារ

ខេត្តតាកែវ៖ នាព្រឹកថ្ងៃអង្គារ ទី២៩ ខែកក្កដា ឆ្នាំ២០២៥ លោកឧត្តមសេនីយ៍ទោ ម៉ែន លី ស្នងការ នៃស្នងការដ្ឋាននគរបាលខេត្តតាកែវ បានដឹកនាំប្រតិភូស្នងការដ្ឋានចូលរួមគោរពវិញ្ញាណក្ខន្ធ និងនាំយកថវិកាចូលបុណ្យរំលែកទុក្ខជាមួយលោកស្រី អ៊ុក ស៊ុនរ៉ានី ព្រមទាំងក្រុមគ្រួសារសពឯកឧត្តម ឧត្តមសេនីយ៍ឯក ដួង សំនៀង មេបញ្ជាការកងពលតូចអន្តរាគមន៍លេខ៧ កងពលធំអន្តរាគមន៍លេខ៣ កងទ័ពជើងគោក ដែលបានពលីជីវិតនៅលើសមរភូមិប្រយុទ្ធខេត្តព្រះវិហារកាលពីថ្ងៃសៅរ៍ ទី២៦ ខែកក្កដា ឆ្នាំ២០២៥ ក្នុងជន្មាយុ ៦៧ឆ្នាំ ដើម្បីបុព្វហេតុការពារបូរណភាពទឹកដី។ បច្ចុប្បន្នសពតំកល់ធ្វើបុណ្យតាមប្រពៃណីស្ថិតនៅវត្តនិរោធរង្សី សង្កាត់និរោធ ខណ្ឌច្បារអំពៅ រាជធានីភ្នំពេញ៕

ប្រភព៖ ស្នងការដ្ឋាននគរបាលខេត្តតាកែវ